Here are some recipes which I came across through the net, books, so on and few are my own experiments..

ಮಂಗಳವಾರ, ಜೂನ್ 10, 2014

ಅಮಟೆಕಾಯಿ ಚಟ್ನಿ | ಅಂಬಟೆಕಾಯಿ ಚಟ್ನಿ | Amatekayi Chutney | Ambatekayi Chutney |

Click here for English version.

ಅಮಟೆಕಾಯಿ (ಅಂಬಟೆಕಾಯಿ) ಗ್ರಾಮೀಣ ಭಾಗದ ಜನರಿಗೆ ಚಿರಪರಿಚಿತವಾದ ತರಕಾರಿ. ಮಾವಿನಕಾಯಿ, ಹುಣಸೆಕಾಯಿಗಳಂತೆಯೇ ತುಂಬ ಹುಳಿಯಾಗಿರುವ ಈ ಕಾಯಿಯಿಂದ ಬಗೆಬಗೆಯ ಮೇಲೋಗರ, ಗೊಜ್ಜು, ಚಟ್ನಿ, ಉಪ್ಪಿನಕಾಯಿಗಳನ್ನು ತಯಾರಿಸುತ್ತಾರೆ. ಊರಿನಿಂದ ದೂರವಿರುವಾಗ ನಾವು ಮಿಸ್ ಮಾಡಿಕೊಳ್ಳುವ ತರಕಾರಿಗಳಲ್ಲಿ ಇದೂ ಒಂದು.
ಅಮಟೆಕಾಯಿಯ ಸಾರು (ಅಮಟಿ) ತಯಾರಿಸುವ ವಿಧಾನವನ್ನು ಬಹಳ ದಿನಗಳ ಹಿಂದೆಯೇ ಬರೆದಿದ್ದೆ. ಅಮಟೆಕಾಯಿಯ ಚಟ್ನಿ ಮಾಡುವ ವಿಧಾನ ಇಲ್ಲಿದೆ..


ತಯಾರಿಸಲು ಬೇಕಾಗುವ ಸಮಯ: 20 ನಿಮಿಷಗಳು 
ಸರ್ವಿಂಗ್ಸ್: 4 ಜನರಿಗೆ ಆಗುತ್ತದೆ 
ಡಿಫಿಕಲ್ಟಿ ಲೆವೆಲ್: ಸುಲಭ

ಬೇಕಾಗುವ ಸಾಮಗ್ರಿಗಳು:
  • ಮೀಡಿಯಮ್ ಸೈಜಿನ ಅಮಟೆಕಾಯಿ - 1
  • ತೆಂಗಿನತುರಿ - 1 ಕಪ್ 
  • ಹಸಿಮೆಣಸು - 2
  • ರುಚಿಗೆ ಉಪ್ಪು 
  • ನಿಂಬೆಹಣ್ಣು - ಅರ್ಧ ಭಾಗ 
  • ನೀರು - 1 ಕಪ್  
ಒಗ್ಗರಣೆಗೆ: ಎಣ್ಣೆ - 1 ಟೀ ಸ್ಪೂನ್, ಸಾಸಿವೆ - 3/4 ಟೀ ಸ್ಪೂನ್

ಮಾಡುವ ವಿಧಾನ:
  • ಓಟೆಯನ್ನು ಬಿಟ್ಟು ಅಮಟೆಕಾಯಿಯನ್ನು ಮೀಡಿಯಂ ಸೈಜಿನ ಚೂರುಗಳಾಗಿ ಹೆಚ್ಚಿಕೊಳ್ಳಿ.  
  • ಪಾತ್ರೆಯಲ್ಲಿ 1 ಕಪ್ ನಷ್ಟು ನೀರು ಹಾಕಿ ಅಮಟೆಕಾಯಿ ಚೂರುಗಳು ಮತ್ತು ಹಸಿಮೆಣಸನ್ನು ಅದರಲ್ಲಿ ಹಾಕಿ ಅರೆಬರೆ ಮುಚ್ಚಿ 5 ನಿಮಿಷ ಬೇಯಿಸಿ.
  • ಬೆಂದ ಮಿಶ್ರಣ ಸ್ವಲ್ಪ ತಣ್ಣಗಾದ ನಂತರ ಅದಕ್ಕೆ ತೆಂಗಿನತುರಿ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಮಿಕ್ಸಿಯಲ್ಲಿ ಸ್ವಲ್ಪ ತರಿಯಾಗಿ ರುಬ್ಬಿ. ಅಮಟೆಕಾಯಿ ಚೂರು ಬೇಯಿಸಿದ ನೀರು ಉಳಿದಿದ್ದರೆ ರುಬ್ಬುವಾಗ ಅದೇ ನೀರನ್ನು ಬಳಸಿ. 
  • ಚಟ್ನಿಯ ರುಚಿ ನೋಡಿಕೊಂಡು ರುಚಿಗೆ ತಕ್ಕಷ್ಟು ನಿಂಬೆರಸ ಸೇರಿಸಿ ಮಿಕ್ಸ್ ಮಾಡಿ. 
  • ಒಗ್ಗರಣೆ ಸೌಟಿನಲ್ಲಿ ಎಣ್ಣೆ ಕಾಯಿಸಿ ಸಾಸಿವೆ ಸಿಡಿಸಿ ಒಗ್ಗರಣೆ ಮಾಡಿ ರುಬ್ಬಿಟ್ಟ ಚಟ್ನಿಗೆ ಸೇರಿಸಿ.
  • ತಯಾರಾದ ಅಮಟೆಕಾಯಿ ಚಟ್ನಿಯನ್ನು ಅನ್ನದೊಡನೆ ಸವಿಯಿರಿ!

ಕಾಮೆಂಟ್‌ಗಳಿಲ್ಲ:

ಕಾಮೆಂಟ್‌‌ ಪೋಸ್ಟ್‌ ಮಾಡಿ

Hi, Thanks for dropping in. I will be happy to hear your feedback :)

Related Posts Plugin for WordPress, Blogger...